ہمارا نظریہ اور مقصد
پاکستان میں معیاری تکنیکی اور پیشہ ورانہ تربیت کی فراہمی گذشتہ دو دہائیوں سے ڈی ٹی آئی ، پاکستان کے پسماندہ اور متوسط طبقات سے تعلق رکھنے والے نوجوانوں کو تکنیکی اور پیشہ ورانہ تعلیم و تربیت فراہم کرتا آیا ہے۔ جس کا بنیادی مقصد اُنہیں بہترین تکنیکی پیشہ ورانہ تربیت کے ذریعے پائیدار روزگار کے قابل بنانااور وطنِ عزیز کا ایک کارآمد شہری بنانا ہے۔
بنیادی اقدار
ایچ ایس ای
ہم اپنے طلبہ کو قابل اور تجربہ کار اساتذہ کے ذریعے ایچ ایس ای کی بہترین تربیت فراہم کرتے ہیں اور دورانِ تربیت اپنے اساتذہ اور طلبہ کے تحفظ کو سب سےزیادہ اہمیت دیتے ہیں۔ یہی وجہ ہے کہ ڈی ٹی آئی کے حفاظتی لائحہ عمل میں ایسے واقعات و حادثات رونما ہونے کی ہرگز گنجائش موجود نہیں جنہیں روکا یا جن سے بچا جاسکتا ہے۔
محنت اور نظم و ضبط
طلبہ میں محنت اور نظم وضبط اُجاگر کرنا ہماری اوّلین ترجیح ہےتاکہ تمام طلبہ مستقبل میں اپنے متعلّقہ شعبوں میں دورانِ ملازمت منظّم کارکردگی کا مظاہرہ کرتے ہوئےاپنے مخصوص شعبوں میں مستعدی کی مثال قائم کر سکیں۔
دیانتداری
ہم اپنے ادارے میں تربیت کے دوران ایمانداری، اخلاقیات اور دیانتداری کو بہت اہمیت دیتے ہیں اوراس مقصد کا حصول اپنے تمام طلبہ کے پیشہ ورانہ رویوں پر خاص توجہ کے ذریعے کرتے ہیں۔
تنوع
ڈی ٹی آئی عقائد، رنگ و نسل یا صنفی اختلاف سے قطعِ نظر، تمام تر افراد کے لئے مساوات کی بنیادپر یکساں مواقع فراہم کرنے اور ادارے میں موجود انتظامیہ، اساتذہ اور طلبہ کے مابین احترام اور تعمیری گفتوشند کے فروغ پر یقین رکھتا ہے۔